غرام المغرور الحلقة الآخيرة نسمة مالك

 فزوجته تعامل أولاده بحب شديد لا يقل عن حب ابنها..
اقتنعت يا مالك باشا بكلام عهوده، ولا تحب أقنعك أنا؟!.. قالها غفران وهو يقترب عليهما بنبرة ذات مغزى جعلت مالك يضحك بقوة حين تفهم مقصد والده ورفع كلتا يديه باستسلام مردفاً..
لا خلاص اقتنعت يا بابي.. بلاش نلعب بوكس انهارده عندنا فرح وأنا محتاج وشي سليم..
قالها وهرول مسرعًا على غرفته..
ضحكت عهد وهي تمسد على بروز بطنها بكف يدها مدمدمة..
اممم.. ابنك قايم بالواجب ومش مبطل لعب بوكس في بطني من أصبح..
رمقها غفران بنظرة مغتاظة حين مد يده على بطنها بلهفة يتحسس حركة صغيره مغمغمًا بفخر..
البطل فهد المصري يلعب براحة راحته..
غمز لها بمكر مكملاً..
واخد شقاوة أبوه..
طبعاً.. دا ابن الظبوطة غفران الوزير المتحرش.. همست بها داخل أذنه بابتسامة عابثة وهي تحاوط عنقه بدلال جعلته يعانقها ويضحك بقوة من قلبه، ضحكته التي لا تظهر إلا لها..
...............................لا حول ولا قوة الا بالله ....
بجناح خديجة..
تنقلت خديجة بعينيها بين إلهام، إسراء اللتان تنظران لها بصدمة وأعين جاحظة..
إنتي بتقولي أيه يا خديجة يا أختي؟!.. جوازة أيه اللي عايزه تلغيها!!!..
تفوهت بها إلهام مستفسرة بهدوء..
أطلقت خديجة زفرة نزقة من صدرها، وبأسف أجابتها..
جوازي من هاشم يا إلهام..
هبطت دمعة حارقة من عينيها مكملة..
فارس نظرته ليا بتوجع قلبي.. مش قادرة أشوفه زعلان بالشكل دا، وأنا عارفة أني السبب في زعله..
ديجا اللي بتفكري تعمليه دا هو فعلاً اللي هيزعل فارس منك.. قالتها إسراء التي اقتربت منها وجلست جوارها، وتابعت بتعقل..
فارس لسه أصبح بيقولي مافيش حاجة في الدنيا تقدر توصف فرحته بيكي انهارده، وأنتي عايزه تكسري فرحتك، وفرحته وفرحتنا كلنا بيكي..
قالت إلهام بجدية مصطنعة..
خديجة بسكوتتنا عاقلة وهتقوم دلوقتي علشان نبدأ نجهزها لعريسها، ولو على فارس متشليش همه خالص إسراء بنتي معاه هتظهرله البت الفرفوشة الشقية اللي مخبيها للحبايب تنسيه اسمه مش زعله بس..
توردت وجنتي إسراء بحمرة الخجل، خاصةً عندما استمعت لصوت زوجها الذي طرق على الباب ودلف للتو يقول بنبرة ماكرة، وهو يغمز بعينه لزوجته في الخفاء..
اتفق معاكي جداً يا ماما إلهام خصوصًا في الحتة بتاعت شقاوة إسراء..
سار نحو خديجة وجلس بينها وبين زوجته، وحاوطهما بذراعيه بحب كبير..
منمتيش ليه يا فارس.. غمغمت بها إسراء وهي تتطلع لثيابه المنمقة بعناية..
أنت خارج ولا أيه؟!..
ابتسم فارس وقال..
فرحتي بديجا مطيرة النوم من عيني..
نظر لزوجته، وتابع بجرائته التي لن ولم يتخلى عنها أبدًا..
وكمان مبعرفش أنام وإنتي مش في حضني..
إحنا هنا يا واد يا جوز بنتي.. اختشي.. قالتها إلهام وهي تنظر لفارس رافعة إحدى حاجبيها بحركة جعلتها بغاية اللطافة، ودوى صوت ضحكاتهم جميعًا، ومن ثم ساد الصمت للحظات قطعه فارس بتساؤل موجه حديثه لخديجة قائلاً..
إنتي كويسة؟..
نظرت له خديجة بأعين تملؤها العبرات، ورفعت يدها وضعتها على لحيته هامسة بصوت متحشرج بالبكاء..
لو أنت مش زعلان مني يبقى أنا أكيد كويسة..
لو زعلت من الدنيا كلها مستحيل أزعل منك إنتي يا أحن ديجا في الكون كله..
أردف بها فارس بلهفة، ومال نحوها يطمئنها بحنان، مكملاً..
عايزك تروقي كده وتفرحي وبس، ومتشليش هم أي حاجة انهارده خالص، وأنا هروح كذا مشوار مهم، وهرجعلك على طول مش هتأخر عليكي..
نظر لزوجته، وتابع بابتسامة دافئة..
جهزي إسراء على ما اطمن إن كل حاجة تمام.. علشان هروح مشوار سري أنا وهي..
قالها بضحكة خافتة حين لمح نظرة زوجته المغتاظة، وأكمل بشيء من الجدية وهو يداعب ذقنها بأنامله..
هروح أقدم لمراتي في الجامعة الأمريكية..
فور سماع إسراء لجملته هذه صرخت بفرحة غامرة واندفعت نحوه تعانقه بقوة وهي تقول..
يا روح قلبي يا فارس.. ربنا ميحرمنيش منك أبدًا يا روحي..
دوى صوت الزغاريط فور وصول إيمان، عهد لتسرع كلاً من إلهام، إسراء بالرد عليهما وها قد بدأ الجميع بالتحضير للزفاف على يد مجموعة من أشهر خبراء التجميل قام فارس بإحضارهم خصيصاً من لبنان لتجهيز أغلى وأحب البشر لقلبه..
والدته خديجة، زوجته إسراء..
بينما فارس ذهب مع تامر برفقة الصغيرة إسراء لزيارة قبر والدها بعدما قام بتقديم أوراق زوجته للالتحاق بالجامعة..